როგორ მუშაობს EV8

  1. რა წამოვიღო

    პირადობის მოწმობა — აუცილებლად. მართვის მოწმობა — თუ გაქვს.

  2. პირველი გადახდა

    ერთი კვირის ქირა და 180 ლარი დეპოზიტი. დეპოზიტს დაგიბრუნებთ, როცა მოპედს გამართულს და დავალიანების გარეშე დააბრუნებ.

  3. გადახდა

    კვირაში ერთხელ, მოპედის აღების დღიდან. გადარიცხვით კომპანიის ანგარიშზე ან შოურუმში.

  4. ბატარეები

    XL1200-სა და Eagle-ს ორი ბატარეა და ორი დამტენი მოჰყვება, S70 Pro-ს — ერთი ბატარეა და ერთი დამტენი. ბატარეას სახლში მუხტავ, ჩვეულებრივ როზეტში. ცვლაში დაგეცალა? გამოცვალე დამუხტულით Agrohub-ის სადგურზე ან შოურუმში — 3,49 ₾. ბატარეა მოხსენი ყოველ ღამე და ყოველთვის, როცა მოპედს უყურადღებოდ ტოვებ — ეს ხელშეკრულების პირობაა.

  5. სერვისი

    სახარჯი მასალები და შეკეთება ქირაში შედის. შენი ბრალით მიყენებულ ზიანს თავად ანაზღაურებ.

  6. აღჭურვილობა

    ჩაფხუტს, ტელეფონის სამაგრს, თერმოსაცვალსა და ზამთრის ხელთათმანებს არ ვაქირავებთ — ვყიდით განვადებით: იხდი კვირაში ერთხელ, ქირასთან ერთად, და ნივთი შენი რჩება. ამჟამად მარაგში არ არის.

  7. დაბრუნება

    მოპედის დაბრუნება პირველი კვირის შემდეგ ნებისმიერ დროს შეგიძლია. ბოლო კვირა სრულად იხდება. აბრუნებ მოპედს, გასაღებს და ყველა ბატარეასა და დამტენს, რაც მიიღე.